Қаржы полициясы білім министрлігінің шенеунігін қозғалыссыз мүлік саудасына қатысты қитұрқы әрекеттері үшін тұтқындады

Алматы қалалық экономикалық және жемқорлық қылмыстармен күрес департаменті "ҚР білім беру, мәдениет және денсаулық сақтау министрліктерінің Шаруашылық басқармасы" РМК-ына қарасты "Жатақханалар бірлестігі" директорының үстінен қозғалыссыз мүлік саудасына қатысты қитұрқы әрекеттері үшін қылмыстық іс қозғады. Бұл туралы бүгін, 23-қарашада ҚР экономикалық және жемқорлық қылмыстармен күрес жөніндегі агенттігінің баспасөз қызметінен таратылған хабарламада айтылған.

Оның үстінен ҚР Қылмыстық кодексінің «Лауазымдық құзыретін асыра пайдалану» жөніндегі 307-бабы бойынша қылмыстық іс қозғалды. Полиция ақпаратына сәйкес, Шаруашылық басқармасының директоры РМК -ның балансында тұрған, құны 9,8 млн. теңгені құрайтын мекен-жайды бағасын арзандатып саудаға салған. Осыдан кейін аукционға өзі қатысып, жеңімпаз ретінде оны 820 мың теңгеге сатып алған.