Алматыда коммуналдық сала қызметкерлері арықтан жауынгерлік граната тауып алды

Алматыдағы 3 ықшамауданда коммуналдық сала қызметкерлері арықтан РГД-5 маркалы жауынгерлік граната тауып алды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Төтенше жағдайлар жөніндегі министрлігінің ақпараты бойынша, гранатаны арық тазалау барысында тауып алған.

Төтенше жағдайлар жөніндегі министрлігінің Алматы қалалық төтенше жағдайлар жөніндегі басқармасының қызметкерлері гранатаны тәркілеп, әскери полицияға табыс етті.