АҚШ-тың халықаралық денсаулық сақтау одағы Қазақстанда отбасылық дәрігерлік амбулаториялар құруға арнап грант бөледі

Бүгін, 9-желтоқсанда Астанада ҚР денсаулық сақтау министрлігі, еңбек және халықты әлеуметтік қорғау министрлігі мен АҚШ-тың халықаралық денсаулық сақтау одағы арасында өзара түсіністік туралы меморандумға қол қою рәсімі өтті,- деп хабарлайды KZ-today тілшісі.

Бұл құжат республика аймақтарында алғашқы медициналық жәрдем көрсету саласын дамытуға арналған. Меморандумға сәйкес, республиканың бірқатар қалаларында отбасылық дәрігерлік амбулаториялар құрылады. АҚШ-тың халықаралық денсаулық сақтау одағы бұл мақсатқа грант бөліп отыр. Алғашқы дәрігерлік амбулаториялар Семей мен Оралда ашылады. Соңынан осындай амбулаторияларды Көкшетау мен Оңтүстік Қазақстан облысында да ашу көзделіп отыр.