Астанада мұнаралы шығыранның құлауы салдарынан бір адам мерт болып, бір адам жараланды

Астанада мұнаралы шығыранның кабинасы құлауы салдарынан бір адам мерт болып, бір адам жараланды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Қайғылы оқиға Есілдің сол жағалауында, құрылысы қазір салынып жатқан «Ұлан» сауда үйінің аумағында болған. «Қазинтерқұрылыс» ЖШС-нің жұмысшылары КБ-403 мұнаралы шығыранды монтаждап жатқан сәтте шығыранның кабинасы құлаған. Соның салдарынан 35 жастағы жұмысшы оқиға орнында мерт болып, 30 жастағы тағы бір жұмысшы ауруханаға түсті.