Орал-Каспий бассейнінде 2005-жылы бекіре тұқымдас балықтарды аулауға арналған шектеу мөлшері айқындалды

Тендерге табиғат қорын пайдаланушы 38 субьект қатысты. Байқау қорытындысы бойынша «Атыраубалық» АҚ 135,9 тонна бекіре тұқымдас балық аулауға, «Амангелді» және «Жамбыл» өндірістік кооперативтері тиісінше 10 тоннадан, «Еркінқала» — 4 тонна, «Қызылбалық» — 6 тонна, «Құрманғазы» — 8 тонна, «Ракуша», «Стандарт», «Тес» және «Манаш» кооперативтері тиісінше 3 тоннадан балық аулауға мұрсат алды. Сондай-ақ, балық өсіруші екі зауыт 4 тоннадан балық аулау құқығына ие болды.

Тендерлік комиссияның жұмысы барысында бекіре тұқымдас балық аулауға ниет білдірген 16 үміткердің өтініші қабылданбады.
2005-жылғы көктем және күзгі балық аулау маусымында бекіре тұқымдас балық аулау бойынша Қазақстанға бөлінген квота 244 тоннаны құрайды.