2005-2007-жылдары Қазақстанда ресми қайта қаржыландыру ставкасы төмендейді - экономика министрлігі

Экономиканың базалық даму болжамына сәйкес (мұнайдың әлемдік бағасы бір баррельге 28,5-34,4 долларды құрайтын), ҚР Ұлттық банкі бекітетін ресми қайта қаржыландыру ставкасы 2005-жылы өзгеріссіз қалып, 7%-ті, 2006-жылы - 6,5%, 2007-жылы - 6%-ті құрамақ. Бұл туралы ҚР экономика және бюджетті жоспарлау министрлігінен хабарлады.

Бағаның қымбаттау сценарийі бойынша әлемдік мұнай бағасы бір баррельге 40 долларды құраған жағдайда ресми қайта қаржыландыру ставкасы өсіп, 2005-2006-жылдары -8%, 2007-жылы — 7,5% болмақ.

Ал бағаның арзандауына негізделген жорамалға сәйкес (бір баррель мұнайдың бағасы 22-24 долларды құрайды), 2005-жылы ресми қайта қаржыландыру ставкасы өзгеріссіз қалып 7%-ті, ал 2006-2007-жылдары — 6-5,5%-ті құрайды.