ҚР Бас прокуратурасы бірқатар ұйымдарды лаңкестік ұйым деп тану туралы сотқа шағым түсірді

Бүгін, 24-ақпанда Республиканың бас прокуроры Рашид Түсіпбеков "Асбат аль-Ансар", "Мұсылман бауырлар", "Талибан", "Боз гурд", "Орталық Азия моджахедтерінің жамааты", "Лашкар-и-Тайба" және "Әлеуметтік реформалар қоғамы" сынды бірқатар ұйымдарды лаңкестік ұйымдар деп танып, олардың Қазақстан аумағында жұмыс жүргізуіне тыйым салу туралы ҚР Жоғарғы сотына шағым түсірді. Бұл туралы KZ-today тілшісіне ҚР Бас прокуратурасының баспасөз қызметінен хабарлады.

Баспасөз қызметінің хабарламасында атап көрсетілгеніндей, бұл ұйымдар Ресей, АҚШ, Түркия, Өзбекстан, Пәкістан және басқа да елдерде лаңкестік ұйымдар деп танылған. Олардың кейбірін БҰҰ-ның Қауіпсіздік кеңесі лаңкестік ұйым деп танып, санкциялар қолдану үшін арнаулы тізімге енгізген. Сонымен бірге аталған ұйымдардың кейбірі Шанхай ынтымақтастығы ұйымына мүше-елдердің аумағында іс-қызметіне тыйым салынған лаңкестік, сепаратистік және экстремистік ұйымдардың тізімінде.