Сенат жаңа ғимаратқа жазда көшеді

Қазақстан парламентінің сенаты Есілдің сол жағалауында салынып жатқан жаңа ғимаратқа 2005-жылы жазда көшеді. Бұл туралы бүгін, 24-ақпанда сенат төрағасы Нұртай Әбіқаев республикалық ғылыми сайыстардың жеңімпаз-оқушыларымен кездесуде хабарлады.

«Шілде-тамыз айларында жаңа ғимаратқа көшіп қалармыз деп сенемін»,- деді спикер.

Бұдан бұрын да хабарлағанымыздай, сенаттың жаңа ғимаратын салуға арналған қаржыны Сауд Арабиясы Корольдігі бөлген.