Еліміздегі президент сайлауы 2006-жылдың желтоқсан айында өтеді - Орталық сайлау комиссиясы

Еліміздегі президент сайлауы 2006-жылдың желтоқсан айында өтеді. Бұл туралы бүгін, 11-наурызда ҚР Орталық сайлау комиссиясының төрайымы Зағипа Балиева "Сайлау тетіктерін жетілдіру. Ауылдық округтер, ауылдар мен кент әкімдерінің, сондай-ақ, республика аудандары әкімдерінің сайлауын эксперимент жүзінде өткізу" тақырыбы бойынша ұйымдастырылған дөңгелек үстелде мәлімдеді,- деп хабарлайды KZ-today тілшісі Астанадан.

З.Балиева президент сайлауын өткізу мерзімі ҚР Ата заңында көрсетілгенін еске сала кетті. «Конституцияға сәйкес президент сайлауы 2006-жылдың желтоқсан айында өткізілуі тиіс»,- деді Орталық сайлау комиссиясының төрайымы.