Оңтүстік Қазақстан облысында жүк көлігі мен автобустың соғысуы салдарынан 7 адам қаза тауып, 30 адам жараланды

Оңтүстік Қазақстан облысында "КамАЗ" жүк көлігі мен жолаушы тасымалдайтын автобустың соғысуы салдарынан 7 адам оқиға орнында қаза тауып, 30 адам түрлі жарақатпен ауруханаға жатқызылды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің хабарлауынша, апат Сайрам ауданында Алматы-Шымкент автожолының бойында болған. «КамАЗ» Бішкек-Қызылорда бағытында келе жатқан «Сетра» автобусымен соқтығысып қалған. Автобус салонында 37 адам болыпты.

Жол апатының зардаптарын жоюға 10 адам мен өрт сөндіру қызметінің 3 техникасы жұмылдырылды.