Парламент Қазақстан аумағы арқылы тауар транзиті туралы Қырғызстанмен арадағы келісімді бекітті

Бүгін, 24-наурызда өткен сенаттың жалпы отырысында депутаттар Қазақстан аумағы арқылы автокөліктен тасымалданатын тауар транзиті туралы Қырғызстан-Қазақстан үкіметаралық келісімін бекітті,- деп хабарлайды KZ-today тілшісі.

Бұдан бұрын да хабарлағанымыздай, бұл келісімнің күшіне енуі мемлекеттер аумағы арқылы кедендік бақылау аясында тауар қозғалысын жеделдетуге мүмкіндік береді.

Сонымен қатар заңды қабылдау Қазақстанның транзиттік әлеуетін дамытуға түрткі болмақ.
Келісімге 2004-жылдың 26-наурызында Бішкекте қол қойылған.
Заң мемлекет басшысының қол қоюына жолданды.
Қырғызстан Республикасы бұл келісімді таяуда бекіткен.