Орталық Азия аймағы үшін Қырғызстандағы саяси тұрақтылықтың маңызы зор - Шанхай ынтымақтастық ұйымы

«Шанхай ынтымақтастық ұйымының мүшесі болып табылатын Қырғызстан Республикасы ұйымның аяғынан тік тұруы мен дамуына ауқымды үлес қосты және ұйым шеңберіндегі көп жақты ынтымақтастыққа белсене атсалысып келеді»,- деді Ч.Дэгуан. «Шанхай ынтымақтастық ұйымы Қырғызстандағы оқиғалардың өрбу барысын алғашқы сәттен бастап жіті қадағалап отыр»,- деді ол.

«Қазіргі таңда Қырғызстандағы оқиғалардың Конституция аясында өрбіп, ұлттық келісім мен бейбітшілік орнап, қоғамдық тәртіптің орнығуы айрықша маңызды»,- деді ол. «Бұл — Қырғыз халқының, Қырғызстан Республикасында тұрақтылық пен бейбітшілік орнауын қалайтындардың мүддесіне сәйкеседі»,- деді Ч.Дэгуан.