Парламент "Тұрғын үй құрылысына арналған жинақ ақша туралы" заңға өзгерістер мен толықтырулар енгізу туралы" заң жобасын мақұлдады

Сөйтіп заң қабылданды деп танылып, мемлекет басшысының қол қоюына жолданды.

Бұдан бұрын да хабарлағанымыздай, бұл заң жобасы Елбасының жарлығымен бекітілген Қазақстан Республикасында тұрғын үй құрылысын дамыту жөніндегі 2005-2007-жылдарға арналған мемлекеттік бағдарламаға сәйкес жасалған. Өзгерістер бірінші кезекте жинақталуы тиіс қаржы мөлшерін келісім-шартында көрсетілген соманың 50 процентінен 25 процентіне дейін азайтуға, ал республикалық бюджеттен салымдарға сәйкес төленетін сыйлық мөлшерін 60-тан 200 айлық есептік көрсеткішке дейін арттыруға бағытталады.
Сенат түзетулерінің салыстырма кестесіне 13 мәселе енгізілген. Ұсыныстардың басым бөлігі редакциялық және нақтылау сипатында. Сонымен қатар заңгерлік техникаға қатысты түзетулер енгізілген.