Сайлау заңына енгізілетін түзетулер парламент палаталарының 8-сәуірде өтетін бірлескен отырысында екінші оқылымда қаралады

Қазақстан Республикасының "Сайлау туралы" заңына өзгерістер мен толықтырулар енгізу туралы" Конституциялық заң жобасы парламент палаталарының 8-сәуір, жұмада өтетін бірлескен отырысында екінші оқылымда қаралады,- деп хабарлайды KZ-today тілшісіне парламент мәжілісінің баспасөз қызметі.

Бұдан бұрын да хабарлағанымыздай, 28-наурызда өткен парламент палаталарының бірлескен отырысында мәжілістің 53, сенаттың 33 депутаты заң жобасын алғашқы оқылымда қабылдауға дауыс берді.

Сондай-ақ қос палатадан жасақталған комиссия аталмыш заң жобасы бойынша келіп түскен ұсыныстар мен ескертулер туралы есеп береді деп күтілуде.