Теміртауда түтін салдарынан 15 автокөлік соқтығысты. Құрбан болғандар да бар

Министрліктің түсініктемесіне сәйкес, қаладағы қоқыс төгетін орынның өртенуі салдарынан қою түтін түзілген. Айнала көрінбей қалуға байланысты «КавЗ» автобусының жүргізушісі жаяу жүргіншілерді қағып кетіп, олардың бірі оқиға орнында қаза тапты. Ал тағы бір жолаушы ауруханаға жатқызылды. Сонымен бірге «Ауди-80» автокөлігінің жүргізушісі де жарақаттанып, ауруханаға түсті.

Қоқыс төгетін орындағы өртті ҚР төтенше жағдайлар жөніндегі министрлігінің өрт сөндірушілері жол апатынан екі сағат өткенде сөндірді.