ҚР қаржы нарығы мен қаржылық ұйымдарды реттеу және қадағалау Агенттігі Наурыз банктің лицензиясын қайтарып алды

Бүгін, 2-наурызда ҚР қаржы нарығы мен қаржылық ұйымдарды реттеу және қадағалау Агенттігінің қаулысымен "Қазақстан Наурыз банкі" АҚ-ына еліміздің банк заңнамасына сәйкес ұлттық және шетелдік валютада операциялар жүргізуге берілген лицензияны кері шақырып алуға шешім қабылданды. Бұл туралы ҚР қаржы нарығы мен қаржылық ұйымдарды реттеу және қадағалау Агенттігінің баспасөз қызметі құлағдар етті,- деп хабарлайды KZ-today тілшісі.

Агенттіктің түсініктемесіне сәйкес, ҚР қаржы нарығы мен қаржылық ұйымдарды реттеу және қадағалау Агенттігі басқармаларының қаулысы бойынша 2004-жылдың 9-қарашасынан бастап енгізілген «Қазақстан Наурыз банкі» АҚ-ын консервациялау тәртібі банктің қаржылық ахуалын сауықтыруға және жұмыс сапасын арттыруға септігін тигізген жоқ. Банкке инвестор табылмады.