Cыртқы істер министрі АҚШ елшілігі ғимараты құрылысының негізгі кезеңінің аяқталу рәсіміне қатысты

Қазанның 19-ында сыртқы істер министрі Қасымжомарт Тоқаев Беларусь Республикасының елшісі Лариса Пакуш пен Грузия елшісі Зураб Шургаияны өз өтініштері бойынша қабылдады,- деп хабарлайды KZ-today тілшісі ҚР СІМ-нің баспасөз қызметіне сілтеме жасап.

Қазақстан министрінің шетелдік дипломаттармен кездесулері барысында екіжақты қарым-қатынастардың ағымдағы жағдайы мен перспективасы, атап айтқанда, сауда-экономикалық ынтымақтастықты кеңейтудің жолдары талқыланды.

Қ.Тоқаев сондай-ақ АҚШ елшілігі ғимараты құрылысының негізгі кезеңінің аяқталу рәсіміне қатысты және Әзербайжанның Тәуелсіздік күніне орай салтанатты қабылдауда сөз сөйлеп, қазақстан-әзербайжан қатынастарының дамуындағы оң үрдістерді атап көрсетті.