Мұнай өндіруші кәсіпорындардың жұмысын тексеруші аудитор 25-қарашада айқындалады

Қазақстан Республикасындағы шикізат өндіруші кәсіпорындардың іс-қызметінен тапқан кірісі мен төлемдеріне тәуелсіз аудиторлық тексеру жүргізетін компанияны іріктеуші топ шикізат өндіруші саладағы ашықтық жөніндегі бастамаға бірігу аясында 25-қарашада анықтайды. Бұл туралы бүгін, 21-қазанда Аштықтық жөніндегі бастаманы жүзеге асыру мақсатымен құрылған ұлттық кеңестің отырысы барысында ҚР энергетика және минералды ресурстар министрі Владимир Школьник құлағдар етті,- деп хабарлайды KZ-today тілшісі.

В.Школьниктің айтуынша, аудиторлық компания дүниежүзіне танымал төрттіктен іріктеледі.

Бастаманы жүзеге асыру кестесіне сәйкес, жұмыс тобы мен бастамаға біріккен компаниялар таңдап алынған аудиторлық компанияға 2006-жылдың 25-ақпанына дейін өз есептерін тапсыруға тиіс. Қазіргі жағдаймен бастамаға 24 компания бірікті.
Аудиторлық компания өз қорытындысын 2006-жылдың 25-сәуіріне дейін таныстырады.