«Кейбіреулер Қазақстан мүшелікке өткен халықаралық ұйымдардың саны шектен шықты, еліміз түрлі бағыттардың басын шалып «шашырап» кетті деп санайды»,- деді Қ.Тоқаев.
Сыртқы істер министрінің пікірінше, «Қазақстан секілді ауқымды ел үшін ауқатты Еуропа болсын, мейлі басқа болсын, бір тартылыс орталығын бағдарға алу -қолайлы ықпал көзі бола алмайды. Керісінше, Қазақстанның ұзақ мерзімді іргелі мүддесі тұрғысынан алғанда, бұл мүлдем көрегендікке жатпайды дер едім. Ол тіпті жүзеге асуы мүмкін емес және саяси және экономикалық қай жағынан алғанда да кесірлі»,- деді ол.
Қ.Тоқаевтың айтуынша, «Қазақстан іс-қызметі елдің ұлттық мүддесіне сай келетін ұйымдарға ғана бірігуде».
«Қазақстан сыртқы саясаттағы басым бағыттарын айқындап алды және бұл бағыттар еліміздің Орталық Азия аймағындағы жетекші ел деген мәртебесіне лайық екенін халықаралық қоғамдастық мойындаған»,- деді республика сыртқы істер министрі.
i>Ақпаратты пайдаланған жағдайда Kazakhstan Today ақпараттық агенттігіне сілтеме жасау міндетті
