Қазақстандағы сыбайлас жемқорлық деңгейі Орталық Азиядағы басқа елдердегіден әлдеқайда төмен - Еуропарламент өкілі

«Қазақстандағы сыбайлас жемқорлыққа қатысты ахуал Орталық Азиядағы басқа елдердегіден мүлдем өзгеше. Аймақ елдерінің басым бөлігі дүниежүзіндегі ең жемқорлық жайлаған елдер ретінде қабылданатыны белгілі»,- деді А.Рока. Еуропарламент өкілі Қазақстан президентінің сыбайлас жемқорлыққа қарсы күреске қоғамдық ұйымдарды көптеп тарту туралы ұсынысына қолдау білдірді. «Сыбайлас жемқорлықтың кез-келген көрінісін жоюға бағытталған іс-шараларды жалғастыру қажет»,- деді ол.

А.Роканың айтуынша, «Қазақстан көп жағдайда Орталық Азия елдерінен көш ілгері келеді және көптеген артықшылықтарға ие. Қазақстанның амбициясы өте жоғары әрі гүлденген елге айналу үшін модернизациялану әлеуеті өте жоғары»,- деді Еуропарламент өкілі.
Еуроодақ Қазақстанмен арадағы өзара тиімді қарым-қатынасты дамытудан мүдделі, деді Еуропарламент төрағасының орынбасары. «Қазақстанда қазіргі өсім деңгейі сақталған жағдайда бірнеше жылдан кейін сіздер бізге қолұшын беруге жарап қаласыздар»,- деді ол.