С.Құсайыновтың айтуынша, Қазақстандағы ипотекалық несие беру тәжірибесі Ресей, Украина мен басқа да ТМД елдерінде үлкен қызығушылық тудыруда. Бұл елдерде қолданысқа кеңінен енгізіліп жатқан қызмет көрсетудің бұл түрі Қазақстанмен салыстырғанда айтарлықтай табысты болмаған. Мәселен, егер 2003-жылы Қазақстандық банктер таратқан ипотекалық несиелердің көлемі 100 млн. долларды құраса, 2004-жылы 350 млн. долларға, ағымдағы жылдың тамыз айындағы жағдаймен 1,76 млрд. долларға жеткен. «Ал Ресейде ипотека пайда болған сәттен бері таратылған несиелердің жалпы көлемі 1 млрд. долларға әрең жетеді»,- деді «БТА Ипотека» АҚ-ның басшысы.
«Бұл — аталмыш тақырыптағы тұңғыш форум және ол қатысушыларға пайдалы болады деп сенеміз»,- деді ол. Бас қосуда Қырғызстан, Украина, Ресей және Қазақстанның қаржы рыногының өкілдері баяндама жасайды.
i>Ақпаратты пайдаланған жағдайда Kazakhstan Today ақпараттық агенттігіне сілтеме жасау міндетті
