Франция сыртқы істер министрі ресми сапармен Қазақстанға келеді

12-қарашада Франция сыртқы істер министрі Мишель Барнье ресми сапармен Қазақстанға келеді. Бұл туралы бүгін, 7-қарашада Астанада өткен қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды KZ-today тілшісі.

Сонымен бірге Е.Ашықбаевтың айтуынша, осы аптада елімізге Иордания королі Абдалла II бен Хусейн бен Талал бен Абдалла ат басын тірейді.

Ал 9-10-қарашада Қазақстанға Украина Жоғарғы радасының төрағасы Владимир Литвин, 9-11-қарашада ТМД атқарушы хатшысы Владимир Рушайло келеді.