Алматы облысында автобус құлау салдарынан 6 адам қаза тауып, 11-і жараланды

Бүгін, 10-қарашада Алматы облысының Ақсу ауданында "Сетра" маркалы жолаушылар тасымалдайтын автобустың аударылуы салдарынан 6 адам қаза тауып, 11-і жараланды. Бұл туралы KZ-today тілшісіне Алматы облыстық ішкі істер департаментінің баспасөз қызметінен хабарлады.

Баспасөз қызметінің түсініктемесіне сәйкес, жол апаты түнгі 12 сағат 20 минутта болған. Автобус Самарадан Алматыға бет алған екен. 65 жастағы автобус жүргізушісі Алматы-Өскемен тас жолының 346-шы шақырымында автобусты аударып алды. Зардап шеккендер Талдықорғандағы аудандық ауруханаға жатқызылды.

Қазір жол апатының себептері анықталу үстінде.