Қазақстан президенті мен Газпром жетекшісі Орынбор мұнай өңдеу зауытының негізінде бірлескен кәсіпорын құру мәселесін талқылады

А.Миллердің айтуынша, Орынбор мұнай өңдеу зауытының негізінде бірлескен кәсіпорын құру жобасының аясында «Қарашығанақ кенішінен шыққан газды жеткізуге ұзақ мерзімді келісім-шартына қол қою көзделген».

«Бұл — ауқымды жоба және ол Қазақстан үшін де, Ресей үшін де бірдей тиімді»,- деді А.Миллер.
Сонымен бірге «Газпром» басшысы президентпен кездесуде бүгін қол қойылған Орталық Азия газын Қазақстан аумағы арқылы, Қазақстан газын Ресей аумағы арқылы транзитті тасымалдау туралы 5 жылдық орта мерзімді келісім-шарты туралы талқыланғанын хабарлады. «Бұл өзара ынтымақтастықтың жаңаша кезеңге көтерілгенін айғақтап береді»,- деді ол.
«Газпром мен жалпы Ресейлік бизнес Қазақстанда өзін еркін сезінеді. Бұған президент Назарбаев — кепіл»,- деді А.Миллер.