Алматыда микроавтобус пен автокөліктің соқтығысуы салдарынан 10 адам жараланды

Алматыда "Газель" микроавтобусы мен "Мерседес" маркалы автокөліктің соқтығысуы салдарынан 10 адам жараланды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Апат Түріксіб ауданында Іле тас жолы мен Дөнентаев көшелерінің қиылысында болған. Жол апаты салдарынан «Газель» шағын автобусында отырған 10 жолаушы, оның ішінде 3-14 жас аралығындағы 5 бала жараланды. Зардап шеккендер түгелдей ауруханаға жатқызылды.