ІІМ-іне Қазақстанда тәртіпсіздіктер ұйымдастыруға әрекет жасалып жатқаны туралы ақпараттар түсуде

«Бізге мәлім болғанындай, радикал күштер халықты жаппай қамтыған тәртіпсіздіктерді бастау үшін арандатушы топтарды құруға және оларды қаруландыруға қамданып жатыр»,- деді Б.Мұхамеджанов.

Осыған байланысты республиканың ішкі істер министрі «еліміздегі қоғамдық-саяси ахуалды тұрақсыздандыруға бағытталған кез-келген әрекетке ішкі істер органдары қатаң тосқауыл қоятын болады», деп ескертті. «Болуы ықтимал қақтығыстар мен олардың залал-зардабы үшін жауапкершілікті заңсыз шараларды ұйымдастырушылар жүктейтін болады»,- деді министр.