Ұлттық қорды қалыптастырудың жаңа үлгісіне көшу - өңдеу секторының ролі мен маңызын арттыра түспек - президент

«Мұнай саласының барлық кірісі 2007-жылы емес, 2006-жылдың ортасынан бастап Ұлттық қорға аударылатын болады. Бұл дегеніңіз, үкімет мұнайдан түскен кірістен қағылады деген сөз»,- деді Н.Назарбаев. «Бұл — өңдеу секторының ролі мен маңызын, үкімет пен барлық облыс әкімдерінің жауапкершілігін арттырады. Өйткені, өңдеу өнеркәсібінсіз қарқынды даму болмайды, бюджет түсімдері де артпайды»,- деді президент.

Мемлекет басшысы «Ұлттық қор ел экономикасын әртараптандырып, шикізатқа тәуелділіктен құтылу үшін қажет», деп атап өтті. «Ол қазіргі таңда да, болашақта да мемлекетіміздің әлеуметтік-экономикалық қауіпсіздігіне кепіл бола алады»,- деді президент.