«Бұл біздің әнұран!» атты республикалық патриоттық шараны Қазақстан студенттерінің альянсы ҚР білім және ғылым министрлігі, мәдениет және ақпарат министрлігі, Қазақстан жастарының конгрессі, облыстар, Алматы және Астана қалаларының әкімшіліктері, «Жасыл ел», «ХХІ ғасыр көшбасшысы» бағдарламалары мен «Билайн» ұялы байланыс компанияларының қолдауымен ұйымдастырмақшы.
«Шара Қазақстанның мемлекеттік нышандарына деген құрметті қалыптастыруға және жастар арасында отансүйгіштікті дамытуға бағытталады»,- дейді Қазақстан студенттерінің альянсының жетекшісі А.Жүнісбаев.
Бұл шара 2005-жылы «Бұл біздің жалау!» атты шарамен басталған жалпы «Бұл біздің Қазақстан» тақырыбына арналған патриоттық науқанның екінші кезеңі болмақ. 150 мыңдай жастар қатысқан былтырғы шара аясында тәуелсіз Қазақстан тарихында алғаш рет еліміздің ең үлкен жалауы еліміздің барлық қалаларының көшелерін аралап шықты.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
