Саммит жұмысына Әзербайжан президенті Ильхам Әлиев, Украина президенті Виктор Ющенко, Грузия президенті Михаил Саакашвили, Литва президенті Валдас Адамкус, Латвия президенті Валдис Затлерс, Литвадағы Молдова істерін жауаптанған уақытша сенімді өкілі Иона Сиорни және АҚШ энергетика министрі Клейтон Селл қатысты.
Саммитті аша отырып, Әзербайжан президенті өткен он жылдықта ГУАМ Еуроодақ пен басқа да халықаралық құрылымдардың қолдауына ие болған маңызды халықаралық ұйымға айналғандығын атап көрсетті. Ұйым өзге мемлекеттермен байланыстарын кеңейте түсуде. ГУАМ-АҚШ, ГУАМ-Польша, ГУАМ-Жапония аясында кездесулер өткізілген.
И. Әлиев ГУАМ аясындағы бірлескен қызметтің негізгі бағыттары еуроатлантикалық интеграция, демократиялық үрдістердің дамуы, экономикалық ынтымақтастық екендігін атап өтті.
«Біздің серіктестікті кеңейтуге, еуроатлантикалық интеграцияға және экономикалық ынтымақтастықты нығайтуға бағытталған бірлескен іс-әркеттеріміз осы мәселелерді шешуге көмектеседі», — деді И. Әлиев.
ГУАМ елдерінің өзге мемлекеттермен ынтымақтастығы туралы сөз қозғай отырып, Виктор Ющенко, Украинаның Балтық жағалауы мемлекеттеріне электр қуатын жеткізу ниетін ортаға салды.
Саммит қорытындысы бойынша Декларация қабылданды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті