«Нан орта мөлшермен 5 теңгеге қымбаттап қазіргі күні бір бөлке нанның құны 55 теңгеге жетті», — деді Ә. Қоқырбаев. «Бұл жерде коммерциялық ұннан пісірілген нан бағасы ғана қымбаттады. Ал тұрақты бидай қорының бидайынан тартылып шығарылған нан бұрынғы 43-45 теңге бағасымен сатылуда «, — деп атап өтті ол.
Ә. Қоқырбаев хабарлағанындай бүгінгі күні қымбаттаудың себеп-салдары анықталып жатыр. «Біздің пікірімізше басқа аймақтардан соның ішінде Ресейден әкелініп жатқан коммерциялық ұн құнының қымбаттауынан нан бағасы көтерілді. Осыған орай өндірісшілер өз өнімдерінің бағасын көтеруге мәжбүр болып отыр «, — деді ол.
Ә. Қоқырбаевтың ақпараты бойынша, жағдайды тұрақтандыр үшін ШҚО әкімінің бірінші орынбасары Өскеменде нанды шығаратын негізгі өндіріс орны болып саналатын «Нежебицкий» наубайхана жетекшісімен кездеседі.
» Бұл наубайханаға әлеуметтік ұнды бөлу жөнінде мәселе қарастырылып, жалпы бағаның одан әрі шарықтауына жол бермеу үшін әлеуметтік ұнның интервенциясын жасау жоспарланып отыр «, -деп түсіндірді маман.
«Сонымен қатар, нан бағасын одан әрі көтермеу мақсатында басқа да өндірісшілермен меморандумға қол қойылуы мүмкін «, -деп қорытындылады Қоқырбаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті