Қырғызстан президентінің баспасөз қызметінен хабарлағандай, Қырғызстанның ресми делегациясының құрамына президент әкімшілігінің жетекшісі М. Садырқұлов, президент әкімшілігінің ішкі саясат бөлімінің меңгерушісі И. Рысқұлов, сыртқы істер министрі Э. Қарабаев, энергетика, өнеркәсіп және отын ресурстары министрі С. Балқыбеков, экономикалық даму және сауда министрі А. Жапаров, көлік және коммуникация министрі Н. Сулейманов, білім және ғылым министрі И. Болжурова, Шу облысының губернаторы К. Сыйданов, Мемлекеттік көші-қон және жұмыспен қамту комитетінің басшысы А. Рысқұлова, Ұлттық банк төрағасы М. Алапаев, Қырғызстанның Қазақстандағы елшісі Ж. Рустанбеков кірген.
Сапар барысында саяси, сауда-экономикалық, инвестициялық, су-энергетикалық және мәдени-гуманитарлық салалардағы екіжақты ынтымақтастықтың өзекті мәселелері талқыланады. Отырыс қорытындысы бойынша бірқатар екіжақты үкіметаралық құжаттарға қол қою күтілуде.
Қ. Бакиевтің сапары қарсаңында 16 сәуір күні Астана қаласында Қазақстан мен Қырғызстанның екіжақты ынтымақтастық жөніндегі үкіметаралық комиссияның жетінші отырысы өтті. Сосын Астанадағы Қырғызстан елшілігінің ғимараты маңында Қырғызстаннан әкелінген 100 түп ағаш отырғызылды. Сонымен бірге, кеше Астана әуежайында Бішкек — Астана — Бішкек бағытындағы тұрақты әуе қатынасының салтанатты ашылу рәсімі болып өтті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті