Биоорталық қызметкерлерінің ақпаратына сүйенсек, осыдан бір апта бұрын бүркіттер тұқымы ұя сала бастаған. Қазір жыртқыш құстар балапан күтіп отыр. «Біз жақсы болар деп үміттенеміз», — деді орталық мамандары.
Сондай-ақ, қызметкерлер жыртқыш құстар темір торда көбеймейтінін атап көрсетіп отыр. Ал бүркіттердің жөні тіптен бөлек. «Олар шынын айтқанда бізді таң қалдырып отыр. Тіпті ұяларын жерде салды. Әдетте, жабайы табиғатта бүркіттер ұяларын ағаш, шың-құз, тауларда салатын еді», — деді биоорталық.
Қызметкерлердің мәліметтеріне сүйенсек, балалар биологиялық орталығында қазіргі уақытта 70 жануар өмір сүріп жатыр. Оның 16-сы Қызыл кітапқа енгізілген. Жоғалып бара жатқан түрлердің қатарына бүркіттер де жатқызылады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті