Алаңға бірінші боп әйелдер шыққан болатын. Онда Украина ұлттық құрамасы Қытайдың «Джиангсу» волейбол клубынан 0:3 (15:25, 16:25, 22:25) есебімен ұтылды. Одан кейін ерлер арасында Қазақстанның бірінші және екінші командасы өзара кездесіп, бұл ойын да 3:0 (25:11, 25:22, 25:23) есебімен аяқталды. Бұл көрсеткіш әйелдер арасындағы қазақстандық екі команданың арасындағы сайыста да қайталанды (27:25, 25:19, 25:21).
Алғашқы күнгі ойынды ерлер арасында Тунис пен Иран құрамаларының арасындағы кездесу (20:25, 21:25, 18:25) түйіндеді. Бүгін әйелдер арасындағы Қазақстанның 2-ші командасы қытайлық құрбыларымен, бірінші командасы Украина құрамасымен ойнайды. Ал ерлер арасындағы 2-ші командасы Иран құрамасымен кездессе, Ресейдің «Локомотив-Изумруд» командасы Тунис құрамасымен сынға түсетін болады.
