Кеше өткен жартылай финалдық ойында Испания Германия құрамасынан 1:0 есебімен басым түскен болатын. енді испандықтар шілденің 11-і күні бұған дейін Уругвайды 3:2 есебімен ұтқан голландықтармен әлем чемпионы атағын сарапқа салады.
Тұңғыш рет әлем чемпионы атағын жеңіп алуға тамаша мүмкіндік туып отырған Испания 1/8 финалда Португалияны (1:0), ширек финалда Парагвайды (1:0) есебімен ұтқан болатын. Жалпы 2008 жылғы Еуропаның мықты командасы атанған Испания құрамасы 1950 жылдан бері әлем чемпионатының финалдық тобына бірінші рет шығып отыр. Интернет басылымдардың Испанияның Marca спорттық газетіне сілтеме жасап хабарлауынша, аталған елдің патшайымы құраманың бүгінгі ойынына қатысып, матч алдында және одан кейін де футболшылармен кездеспек.
Ал бұған дейін екі мәрте әлем біріншілігінің ақтық сынына шығып, екеуінде де жеңіліп қалған Голландия үшін де тұңғыш рет әлем чемпионы атағын жеңіп алуға тамаша мүмкіндік туып отыр.