Қазақстандық волейболшылар Иранда өтетін ІІ Азия кубогы жарысына қатысады

Волейболдан Қазақстанның ерлер құрамасы оқу-жаттығу жиынын өткізу үшін Түркияның Анталия қаласына аттанып кетті, деп хабарлайды ҚазАқпарат ҚР Волейбол федерациясына сілтеме жасап.

Олар бұл жиынды Геннадий Паршин мен Рафаэль Гилязутдиновтың жетекшілігімен өткізеді. Ал шілденің 29-ы күні ерлер клубтары арасындағы ІІ Азия кубогы жарысына қатысу үшін Иранға аттанады. Урум қаласында тамыздың 1-7-сі аралағында өтетін бұл байрақты бәсекеге Австралия, Жапония, Индонезия, Иран, Корея, Қазақстан, Қытай және Тайпей спортшылары қатысады. Г. Паршин жаттықтыратын ерлер құрамасы іріктеу кезеңінде Жапония, Корея және Австралия командаларымен В тобында өнер көрсетеді. Олар алғашқы күні — Австралия, ал одан кейін Жапония және Корея волейболшыларымен кездесетін болады.