Онда біздің боксшыларымыз көпұлтты оқу-жаттығу жиындарына қатысады. Қазақстан бокс құрамасы Британияның әуесқой бокс қауымдастығының арнайы шақыруына ие болды. Шеффилд қаласында өтетін халықаралық оқу-жаттығу жиындары тамыздың 1-і мен 9-ы аралығында өтеді. Шеффилд Ұлыбритания астанасы Лондоннан 170 шақырым қашықтықта орналасқан.
Оған Қазақстан құрамасы сапынан Біржан Жақыпов (48 кг), Мирас Жақұпов (51 кг), Данияр Төлегенов (54 кг), Мәди Шолақов (57 кг), Самат Башенов (60 кг), Данияр Елеусінов (64 кг), Серік Сәпиев (69 кг), Нұрдәулет Жарманов (75 кг), Алмат Серімов (81 кг), Василий Левит (91 кг), Иван Дычко (+91 кг) сынды боксшыларымыз кетті.
