Республика өңірлерінен жиналған жас велошабандоздар Ертіс жағалауындағы қалада осымен он екінші рет бас қосып отыр. Күшті спортшыларды анықтау додасы барысында олар 900 шақырымнан астам қашықтықты бағындырды.
«Жарыс қиын болды, -дейді өз ойымен бөліскен чемпионат жеңімпазы солтүстікқазақстандық Арман Қамышев. — Біздің команда жарысқа жақсы дайындықпен келді. Нәтижесінде, қалған жүлделі орындарды менің жерлестерім Артем Захаров пен Владислав Горбунов иеленді. Біз жалпыкомандалық есепте де жеңімпаз атандық», -деді ол.
Командалық есеп бойынша екінші орынды Алматы облысының құрамасы иеленсе, үшінші орын павлодарлықтарға бұйырды.
