Бұл туралы Алматы облысының Туризм, дене шынықтыру және спорт басқармасынан хабарлады.
Жарысқа қатысушылардың қатарында — әлем чемпиондары Светлана Подобедова, Майя Манеза, Зүлфия Чиншанло, Владимир Седов, әлем чемпионатының қола жүлдегері Владимир Кузнецов, команда құрамына оралған олимпиада чемпионы Илья Ильин және басқа спортшылар бар.
Өз салмақ санаттарында Виталий Хон, Анастасия Повод, Маргарита Елисеева, Ермек Төкембаев, Зульфия Чиншанло, Медет Жөндібаев, Манеза Майя, Игорь Казак, Светлана Подобедова, Владимир Седов, Магомет Әбуов чемпионат жеңімпаздары атанды. Олардың барлығы Алматы облысының спортшылары. Сондай-ақ, чемпионаттың алтын жүлдегерлерінің қатарында қостанайлық Сәуле Сәдуақасова, ақмолалық Анна Нұрмұхамбетова, шығысқазақстандық Владимир Кузнецов, қызылордалық Илья Ильиндер де бар.
«Осы чемпионаттың жеңімпаздарынан бзр алдағы қыркүйек айында Анталияда өтетін әлем чемпионатына қатысатын құраманы жасақтаймыз. Онда бізге тезірек ұпай жинау керек, команданың алатын орны да, олимпиадалық лицензияның саны да осы ұпай санына қатысты болмақ», — дейді ұлттық құраманың бас жаттықтырушысы Алексей Ни.