Бұл туралы бүгін агенттік тілшісіне 7-ші Қысқы Азия ойындары ұйымдастыру комиетінің атқарушы дирекциясының президенті Анатолий Құлназаров хабарлады.
Оның атап көрсеткеніндей, Балуан Шолақ атындағы спорт сарайы, «Медеу» кешені толығымен қайта жөндеуден өткен. Ал «Шымбұлақ» базасындағы жұмыстар аяқталуға жақын.
Қалған нысандар 70-95 пайызға аяқталды. Соның ішінде Астанада салынып жатқан велотрек және коньки тебу стадионы, Алматы облысындағы биатлон және шаңғы спорты кешендері, Алматы қаласындағы трамплин құрылыстары бар.
7-ші Қысқы Азия ойындары қарсаңында Астана мен Алматы қалаларында 11 спорт түрі бойынша 10 спорттық нысанның құрылысы мен қайта жөнделуі қолға алынған болатын.
«Қаржының игерілуі жоспар бойынша жүруде. Кейбір нысандардың құрылысына қаражаттың жетіспеушілігі байқалады. Ол сұрақтар күзде бюджетті талқылау барысында анық болады», дейді А. Құлназаров.