Бүгін Түркиядан ауыр атлетикадан еліміздің ұлттық құрамасы оралады

Қыркүйектің 27-сінде еліміздің ауыр атлетикадан ұлттық құрамасы Түркиядан оралады. Анталья қаласында өткен Әлем чемпионатында сәтті өнер көрсеткен спортшыларымыз мінген №919 Ыстамбұл-Алматы рейсі жергілікті уақыт 20.25-те Алматы халықаралық әуежайына келіп қонады.

Біздің команданың қоржынында екі алтын медаль бар. Әлемдік рекордтарды жаңартқан Майя Манеза мен Светлана Подобедова осымен екінші рет Әлем чемпиондары атанып отыр, деп хабарлады Туризм және спорт министрлігі Спорт комитетінің Штаттық ұлттық командалар мен спорттық резервтер дирекциясының баспасөз қызметінен.