«Казцинк-Торпедо» ПКХ басшылығының осындай шешімге келуіне команданың В.Беляевтың басшылығы кезінде өте төмен көрсеткіштер көрсеткеніне қатысты болып отыр, деп хабарлады клубтың баспасөз қызметінен.
Клубтың вице-президенті Юрий Петуховтың айтуынша, «Владимир Беляев жақсы азамат, үздік жаттықтырушы, дегенмен ол басқаратын команда алдарына қойылған міндеттерді орындай алмады».
«Казцинк-Торпедо» бас жаттықтырушысының орны әзірге бос, келіп жатқан резюмелер қарастырылуда. Үміткерлер арасында — өткен маусымда ангарлық «Ермак» командасын басқарған өскемендік Игорь Николаев пен «Сарыарқаның» бұрынғы жаттықтырушысы Олег Болякиндер бар.