Енді соңғы 2 ойынын АҚШ пен Хорватия волейболшыларымен өткізеді. Бүгін барлық командалар бір күндік үзіліс алып отыр. Қазақстандықтардың бұл жолғы қарсыластарынан АҚШ волейболшылары алғашқы 3 ойында Тайландты 3:1, Хороватия мен Германияны 3:0 етіп жеңген еді. Ал хорваттар кубалықтарды 3:0 етіп жеңгенмен АҚШ пен Тайланд құрамаларына дәл осындай есеппен ойсырай ұтылды. Жалпы қазаның 29-ы мен қарашаның 3-і аралығында өтетін алғашқы кезеңді құрамында Қазақстан құрамасы енген «С» тобы Мацумото қаласында өткізіп жатыр. Қарашаның 6-10 өтетін екінші кезеңге енді әр топтан үздік 4 команда қатысады. Олар сегіз-сегізден Е, F тобына бірігіп Токио мен Нагойя қаласында жарысты одан ары жалғастырмақ. Қазақстан өз тобында үздік төрттікке ілінетін болса бұл сайыста F тобында өнер көрсетуге мүмкіндік алады.
