Гуанчжоуда өтіп жатқан Азиадада Қазақстан құрамасы алтыншы орынға көтерілді - Маргарита Мацко мен Ольга Терешкова тағы екі алтын жеңіп алды

Бүгін Гуанчжоуда өтіп жатқан ХҮІ Азия ойындарында қазақстандық жеңіл атлетшілер Маргарита Мацко мен Ольга Терешкова 800 және 400 метрлік қашықтыққа жүгіруден құраманың қанжығасына тағы екі алтынды байлады.

Біздің отандасымыз Наталья Ивонинская тосқауылдармен 100 метрге жүгіруде үшінші болды.

Медаль саны бойынша Қазақстан құрамасы екі сатыға жоғары көтеріліп, 6 орынға табан тіреді. Оның үлесінде қазіргі уақытта 59 марапат бар, олар: 10 алтын, 17 күміс пен 32 қола медаль.