Топтық кезеңде алдына қара салмай негізгі сайыстарда да сәтті өнер көрсете бастаған Нелли Щербакованың тәлімгерлері кеше оңтүстік кореялықтарға 0-3 (15-25; 17-25; 19-25) есебімен есе жіберді. Соның нәтижесінде енді олар жартылай сында Қытай құрамасына 3-0 (25-11; 25-20; 25-15) ойсырай ұтылған Солтүстік Корея спортшыларымен үшінші орын үшін таласатын болды. Ақтық сындар 27 қараша күні өтеді. Бұған дейін ерлер командалары арасындағы сайыста Геннадий Паршин жаттықтыратын ұлттық құрама 9-орын алған болатын.