«Нұр Отан» ХДП Тереңөзек кентінде қылқалам шеберлерінің конкурсын өткізді - Қызылорда облысы

«Отан» ХДП Сырдария аудандық филиалының бастамасымен Тереңөзек кентіндегі мәдениет үйінде қылқалам шеберлерінің конкурсы болып өтті. Ол «Сыбайлас жемқорлыққа қарсы күшімізді біріктірейік» тақырыбы бойынша ұйымдастырылды.

Нәтижесінде тақырыпты барынша тереңірек ашқан талапкерлердің есімдері анықталды. Қазылар алқасы И.Тоқтыбаев атындағы №35 мектеп суретшілерінің еңбектерін ерекше атап өтті. Мектеп мұғалімі Зәуре Білісбаева бірінші, оқушылар Азамат Исмағұлов екінші, Әкежан Астраханов үшінші орындарды жеңіп алды. Бұлардан басқа №36 мектептен Аружан Тәжімұратова, №44 мектеп оқушысы Бибіанар Жағыпарова және №210 мектептен Зарина Әбілдаеваның өнерлері жақсы бағаланды. Жеңімпаздар арнайы дипломдармен, сыйлықтармен марапатталды.