Солтүстікқазақстандық жеңіл атлетші Маргарита Мацко Гуанчжоудағы ХҮІ Азия ойындарында алтын мен күміс медальдар жеңіп алып, үлкен табысқа жетті. Бейсенбі, 2 желтоқсанда теміржол вокзалында чемпионды облыс әкімінің орынбасары Фархад Қуанғанов, жаттықтырушылар, спорт мектептерінің ұстаздары, достары қарсы алды.
Осы Азия ойындарына өз бақтарын сынауға Азияның 45 елінен 10 мыңға жуық спортшы қатысты. Маргарита 800 метрге жүгіруден ҚР ұлттық құрамасының қоржынына алтын медаль салған оныншы спортшы болды. Ол сонымен қатар 4х400 метрлік эстафетада күмістен алқа тағынды.
