Аталмыш көрме Германияның Қазақстандағы жылы аясында ұйымдастырылып отырған соңғы шаралардың бірі. Көшпелі көрме жыл басында Астанада басталып, Қазақстанның барлық облыс орталықтарын аралады. Енді міне «Заманауи Германияның» ақырғы нүктесі — Алматы болып отыр.
Көрмені салтанатты түрде ашқан Германияның Алматыдағы Бас консулы Герольд Амелунг мұнда басты 2 мәселе қарастырылғанын атап өтті. «Біріншіден, Германияның ғылым-білімі, өндірісі, қоғамдық өмірі баяндалса, екіншіден, мәдениеті мен қонақжайлылығы көрсетілген. Жалпы, жыл басынан бері түрлі экономикалық форумдар, жастармен жүргізілген жұмыстар және басқалар халықтың Германияға деген оңды көрқарасын қалыптастырды деген ойдамын», — деді Г. Амелунг.
Көрме 2011 жылғы 4 қаңтарға дейін жалғасады.
