Салтанатты шараға қатысқан Павлодар облысының әкімі Бақытжан Сағынтаев қаланың әлеуметтік инфрақұрылымын дамытуға қосқан үлесі үшін энергетиктерге алғыс айтты.
«Біз бизнеспен одан әрі де жемісті ынтымақтастықта болатынымызға сенемін, — деді аймақ басшысы. — Қалада «Павлодар мұнай-химия зауыты» АҚ жоғары деңгейдегі жарыстарды өткізуге және жаттығуға мүмкіндік беретін қазіргі заман талабына сай бокс орталығын салуда».
«Энергетик» теннис орталығы республикамыздағы ең ірі спорт кешендерінің бірі болмақ», — деп атап өтті «Павлодарэнерго» АҚ директорлар кеңесінің төрағасы Еркін Әмірханов. — Алаңдардың жалпы саны жетеуге дейін жеткізіледі».
