Павлодар мемлекеттік университетінің «SMS+» атты орыс тілді газетінің редакторы Қуандық Танабас Новосібірде өткен «Алтын бұлғын-2011» атты PR және жарнама саласындағы халықаралық кәсіби жетістіктер байқауында «Алтын бұлғын» және «Достық көпірі» жүлделерінің иегері атанды.
Бұл туралы аталмыш білім ордасының баспасөз қызметі хабарлады.
Байқауға Ресейдің 35 қаласынан жарнама және қоғаммен байланыс саласындағы ұжымдық БАҚ-тар мен ғылыми зерттеу ұжымдарының өкілдері және мұғалімдер қатысты. Қазақстаннан онда екі павлодарлық болды.