Естіріңізге сала кетейік, 12 қаңтарда Хабаровск қаласында «Амурмен» болған бірінші матчта «Барыс» 4:2 есебімен ұтқан еді.
Кешегі ойынның бірінші кезеңінің басында айдын иелері есеп ашты. Ал екінші кезеңнің басында астаналық Лукаш Кашпар есепті теңестіру мүмкіндігін жүзеге асырды. 14-минутте «Барыс» хоккейшілері екінші шайбаны соқты. Алайда тартысты доданың осы кезеңінде «Амур» ойыншылары екі шайбаны қатар салып, алға шықты. Үшінші кезеңнің 8-минутында астаналықтар есепті қайта теңестірді (3:3). Осыдан кейін көп ұзамай алаң иелері екі шайбаны бірінен соң бірін салып, бұл кездесуді өз пайдаларына шешті. Есеп 5:3. «Барыс» командасының сырт айдындағы келесі кездесуі 15 қаңтарда Новосибирск қаласында «Сібір» хоккейшілерімен өтеді.